Sonvanger vir mamma
Knip 'n papierbord se middel uit. Plak DC Fix in die middel. Laat die kinders daarop verf of blokke op plak.
Hang op in die venster.
Klippe verf
Skaf spoelklippe aan. Elke kind verf nou 'n klip na hartelus. Mamma is die rots in ons lewe!
Soutklei kersblakers
Maak soutklei aan, die kinders maak handafdrukke daarin. Laat dit droogword en verf dit. Gee 'n teekersie saam wat in die handpalm kan brand.
Mamma is die lig in ons lewe!
Knope letter
Skaf stewige karton letters aan in mamma se voorletter (of sommer net M vir mamma). Plak propvol knope. Helder en kleurvol en geskik vir ons jonger maats.
Mamma se blommetjie
Ons ouer maats kan die pot versier, en die klein maatjies is die blommetjie in die pot!
Roomysstokkie fotoraam
Hou die moedersdag idees maklik uitvoerbaar en goedkoop! Veral as juffrou klein handjies baie moet help.
Blomme vir mamma
Handafdrukke deur die kinders en juffrou doen die res! Mamma gaan sommer baie verras wees.